ᱱᱮᱥ ᱒᱐᱒᱓-᱒᱔ ᱠᱷᱚᱱ ᱯᱟᱹᱴᱷᱣᱟᱹ ᱠᱚ ᱯᱷᱚᱠᱤᱨᱢᱚᱦᱚᱱ ᱡᱮᱜᱮᱛ ᱵᱤᱨᱫᱟᱹᱲ ᱨᱮ ᱥᱟᱱᱛᱟᱲᱤ ᱥᱤᱫ ᱥᱟᱠᱟᱢ ᱠᱳᱨᱥ ᱯᱟᱲᱦᱟᱣᱜ ᱨᱮᱱᱟᱜ ᱫᱟᱣ ᱠᱚ ᱧᱟᱢᱟ ᱾ ᱚᱱᱟ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱯᱤᱹ ᱡᱤᱹ ᱠᱟᱣᱱᱥᱤᱞ ᱪᱟᱭᱨᱮᱛ ᱜᱚᱢᱠᱮ ᱮᱢᱹ ᱥᱤᱹ ᱚᱫᱷᱤᱠᱟᱨᱤ ᱱᱚᱶᱟ ᱠᱟᱛᱷᱟ ᱪᱟᱞᱟᱣᱮᱱ ᱢᱟᱹᱦᱤᱛ ᱒᱖ᱹ᱐᱕ᱹ᱒᱐᱒᱓ ᱦᱤᱞᱚᱜ ᱢᱤᱫ ᱧᱮᱛᱮᱞ (Notice) ᱦᱚᱛᱮᱛᱮ ᱞᱟᱹᱭ ᱥᱚᱫᱚᱨ ᱟᱠᱟᱫᱼᱟᱭ᱾ ᱱᱚᱣᱟ ᱠᱳᱨᱥ ᱫᱚ ᱛᱩᱨᱩᱭ ᱪᱟᱸᱫᱚ ᱨᱮᱱᱟᱜ ᱠᱟᱱᱟ ᱾ ᱦᱟᱯᱛᱟ ᱨᱮ ᱵᱟᱨ ᱫᱤᱱ ᱢᱮᱱᱫᱚ ᱥᱟᱹᱜᱩᱱ ᱢᱟᱦᱟᱸ ᱟᱨ ᱡᱟᱹᱨᱩᱢ ᱢᱟᱦᱟᱸ ᱨᱮ ᱥᱮᱛᱟᱜ ᱘ᱺ᱐᱐ ᱴᱟᱬᱟᱝ ᱠᱷᱚᱱ ᱑᱐ᱺ᱐᱐ ᱴᱟᱬᱟᱝ ᱦᱟᱹᱵᱤᱡ ᱱᱚᱶᱟ ᱯᱟᱲᱦᱟᱣ ᱫᱚ ᱦᱩᱭᱩᱜᱼᱟ ᱾
ᱱᱚᱶᱟ ᱯᱟᱲᱦᱟᱣ ᱞᱟᱹᱜᱤᱫ ᱛᱮ ᱯᱟᱹᱴᱷᱣᱟᱹ ᱠᱚ ᱪᱟᱸᱫᱚ ᱒᱕᱐/- ᱴᱟᱠᱟ ᱢᱮᱱᱫᱚ ᱞᱮᱠᱷᱟᱜᱩᱴ ᱑᱕᱐᱐/- ᱴᱟᱠᱟ ᱮᱢ ᱦᱩᱭ ᱟᱠᱚᱣᱟ ᱾ ᱱᱤᱭᱟᱹ ᱥᱮᱨᱢᱟ ᱨᱮᱟᱱᱟᱜ ᱯᱟᱲᱦᱟᱣ ᱨᱮ ᱧᱩᱛᱩᱢ ᱚᱞ ᱚᱪᱚ ᱵᱟᱝ ᱥᱮᱞᱮᱫᱚᱜ ᱞᱟᱹᱜᱤᱫ ᱢᱩᱪᱟᱹᱫ ᱢᱟᱹᱦᱤᱛ ᱫᱚ ᱑᱕ ᱡᱩᱱ ᱒᱐᱒᱓ ᱫᱚᱦᱚ ᱟᱠᱟᱱᱟ ᱾ ᱱᱚᱶᱟ ᱢᱟᱹᱦᱤᱛ ᱵᱷᱤᱛᱨᱤ ᱨᱮ ᱯᱟᱹᱴᱷᱟᱣᱟᱹ ᱠᱚ ᱟᱠᱚᱣᱟᱜ ᱯᱨᱚᱯᱷᱚᱨᱢᱟ email-lD:fmusantali@gamil.com ᱨᱮ ᱠᱳᱞ ᱦᱩᱭ ᱟᱠᱚᱣᱟ ᱾ ᱱᱚᱶᱟ ᱠᱷᱚᱵᱚᱨ ᱵᱟᱰᱟᱭ ᱛᱟᱭᱚᱢ ᱥᱟᱱᱛᱟᱲ ᱯᱟᱹᱴᱷᱣᱟᱹ ᱠᱚ ᱢᱩᱸᱫᱽ ᱨᱮ ᱨᱟᱹᱥᱠᱟᱹ ᱧᱮᱞ ᱧᱟᱢ ᱟᱠᱟᱱᱟ ᱾