ᱞᱩᱜᱩᱵᱩᱨᱩ ᱢᱩᱬ ᱱᱟᱭᱠᱮ ᱠᱤᱥᱟᱱ ᱢᱩᱨᱢᱩ ᱵᱚᱸᱜᱟ ᱛᱟᱞᱟ || SAD DEMISE OF LUGUBURU NAIKE KISAN MURMU

ᱟ.ᱰᱤ ᱫᱩᱠ ᱨᱮᱱᱟᱜ ᱠᱟᱛᱷᱟ, ᱧᱩᱛᱩᱢᱟᱱ ᱵᱚᱸᱜᱟᱵᱩᱨᱩ ᱫᱷᱚᱨᱚᱢ ᱜᱟᱲ ᱞᱩᱜᱩᱵᱩᱨᱩ ᱨᱮᱱ ᱢᱩᱬ ᱱᱟᱭᱠᱮ ᱵᱟᱵᱟ ᱢᱟᱹᱱ ᱠᱤᱥᱟᱱ ᱢᱩᱨᱢᱩ ᱫᱚ ᱛᱮᱦᱮᱧ (04/04/2023) ᱥᱮᱛᱟᱜ ᱮ ᱵᱚᱸᱜᱟ ᱛᱟᱞᱟ ᱭᱮᱱᱟ ᱾ ᱜᱟᱥᱴᱤᱠ ᱟᱡᱟᱨ ᱛᱤᱠᱪᱷᱟ. ᱞᱟ.ᱜᱤᱫ ᱡᱟᱢᱥᱮᱫᱯᱩᱨ ᱨᱮᱱᱟᱜ ᱴᱤ.ᱮᱢ.ᱮᱪ. ᱟᱥᱯᱟᱛᱟᱞ ᱨᱮᱠᱚ ᱵᱷᱩᱨᱛᱤ ᱞᱮᱫᱮᱭᱟ ᱾ ᱛᱤᱠᱪᱷᱟ ᱛᱚᱝᱜᱮ ᱟᱠᱟᱱ ᱚᱠᱛᱚ ᱨᱮᱜᱮ ᱱᱟᱭᱠᱮ ᱵᱟᱵᱟ ᱫᱚᱭ ᱵᱚᱸᱜᱟ ᱫᱤᱥᱚᱢ ᱟᱠᱟᱱᱟ ᱢᱮᱱᱛᱮ ᱟᱡᱤᱡ ᱵᱚᱭᱦᱟ ᱢᱟᱱ ᱞᱚᱪᱷᱢᱚᱱ ᱢᱩᱨᱢᱩ ᱴᱷᱮᱱ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱾ ᱤᱱᱟ. ᱛᱟᱭᱚᱢ ᱠᱤᱥᱟᱱ ᱢᱩᱨᱢᱩ ᱜᱚᱢᱠᱮ ᱭᱤᱡ ᱮᱨᱟ ᱥᱟᱶ ᱜᱟᱞᱢᱟᱨᱟᱣ ᱠᱟᱛᱮ ᱵᱟᱰᱟᱭ ᱮᱱᱟ ᱛᱮᱦᱮᱧ ᱥᱮᱛᱟᱜ ᱘ ᱠᱷᱚᱱ ᱘.᱓᱐ ᱢᱩᱫᱽᱨᱮ ᱠᱤᱥᱟᱱ ᱢᱩᱨᱢᱩ ᱜᱚᱢᱠᱮᱭᱟᱜ ᱡᱤᱣᱤ ᱵᱟ.ᱛᱤ ᱛᱟᱭ ᱤᱬᱤᱡ ᱟᱠᱟᱱᱟ ᱾ ᱢᱩᱲ ᱱᱟᱭᱠᱮ ᱵᱟᱵᱟ ᱟᱨ ᱚᱞᱪᱤᱠᱤ ᱫᱩᱞᱟ.ᱲᱤᱭᱟ. ᱠᱤᱥᱟᱱ ᱢᱩᱨᱢᱩᱣᱟᱜ ᱡᱟᱱᱟᱢ ᱟ.ᱛᱩ ᱫᱤᱥᱚᱢ ᱫᱚ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱵᱚᱦᱚᱲᱫᱟ ᱛᱟ.ᱨᱤ ᱯᱟ.ᱴᱩᱣᱟ ᱠᱟᱱ ᱨᱮᱦᱚᱸ ᱟᱡᱟᱜ ᱜᱚᱡ ᱢᱟᱬᱟ ᱫᱚ ᱞᱩᱜᱩᱵᱩᱨᱩ ᱨᱮᱜᱮ ᱵᱟᱭ ᱞᱟ.ᱜᱤᱫ ᱡᱤᱣᱤᱫ ᱛᱟᱦᱮᱸᱱ ᱨᱮ ᱠᱤᱥᱟᱱ ᱢᱩᱨᱢᱩ ᱜᱚᱢᱠᱮᱭ ᱢᱮᱱ ᱞᱮᱫᱼᱟ ᱢᱮᱱᱛᱮ ᱟᱡᱤᱡ ᱮᱨᱟ ᱴᱷᱮᱱ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱾ ᱜᱚᱡ ᱢᱟᱬᱟ ᱫᱚ ᱱᱤᱛᱚᱜ ᱑᱑ ᱴᱟᱬᱟᱝ ᱠᱚᱥᱮᱱ ᱡᱟᱢᱥᱮᱫᱽᱯᱩᱨ ᱠᱷᱚᱱ ᱞᱩᱜᱩᱵᱩᱨᱩ (ᱞᱟᱞᱯᱟᱱᱤᱭᱟ.) ᱛᱮ ᱥᱮᱱᱚᱜ ᱠᱟᱱᱟ, ᱚᱱᱟ ᱞᱟ‌ᱜᱤᱫ ᱵᱟᱨᱮᱭᱟ ᱜᱟ.ᱰᱤ ᱦᱚᱸ ᱵᱚᱨᱟᱫᱽ ᱦᱩᱭ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱟᱠᱟᱱᱟ ᱾ ᱢᱩᱲ ᱱᱟᱭᱠᱮ ᱵᱟᱵᱟ ᱟᱨ ᱚᱞᱪᱤᱠᱤ ᱫᱩᱞᱟ.ᱲᱤᱭᱟ. ᱠᱤᱥᱟᱱ ᱢᱩᱨᱢᱩ ᱜᱚᱢᱠᱮᱭᱟᱜ ᱵᱚᱸᱜᱟ ᱛᱟᱞᱟ ᱵᱮᱣᱨᱟ ᱟᱸᱡᱚᱢ ᱠᱟᱛᱮ ᱯᱷᱟ.ᱜᱩᱱ ᱜᱷᱟᱨᱚᱸᱡᱽ ᱯᱟᱦᱴᱟ ᱠᱷᱚᱱ ᱟ.ᱰᱤ ᱫᱩᱠ ᱥᱚᱫᱚᱨ ᱦᱩᱭᱩᱜ ᱠᱟᱱᱟ ᱾ ᱜᱚᱡ ᱵᱟ.ᱜᱤ ᱟᱠᱟᱫ ᱠᱚ ᱠᱤᱥᱟᱱ ᱢᱩᱨᱢᱩ ᱜᱚᱢᱠᱮ ᱨᱤᱱ ᱜᱷᱟᱨᱚᱸᱡᱽ ᱥᱚᱦᱮᱛ ᱱᱚᱣᱟ ᱫᱩᱠ ᱥᱟᱦᱟᱣ ᱨᱮᱱᱟᱜ ᱫᱟᱲᱮ ᱮᱢ ᱥᱟᱶᱛᱮ ᱥᱮᱨᱢᱟ ᱫᱤᱥᱚᱢ ᱨᱮ ᱠᱤᱥᱟᱱ ᱢᱩᱨᱢᱩ ᱜᱚᱢᱠᱮ ᱵᱚᱸᱜᱟ ᱵᱩᱨᱩ ᱥᱟᱶ ᱱᱟᱯᱟᱭ ᱨᱮ ᱛᱟᱦᱮᱸᱱ ᱞᱟ.ᱜᱤᱫ ᱞᱩᱜᱩ ᱵᱟᱵᱟ, ᱞᱩᱜᱩ ᱟᱭᱚ ᱟᱨ ᱢᱟᱨᱟᱝ ᱵᱳᱨᱳ ᱴᱷᱮᱱ ᱞᱮ ᱱᱮᱦᱚᱨ ᱡᱚᱦᱟᱨᱚᱜ ᱠᱟᱱᱟ ᱾ ᱢᱟᱞᱚᱛᱤ ᱢᱩᱨᱢᱩ, ᱯ.ᱟᱨ ᱥ., ᱯᱷᱟ.ᱜᱩᱱ, ᱢᱟ. ᱔.᱔.᱒᱐᱒᱓ ᱾